سن گئدینجه ایتدی شعر

لاپ محو اولدو،گئتدی شعر

گؤزومده یاش قورودو

قلم دوشدو،بیتدی شعر

موم اولدوم،خمیر کیمین
اییلدیم دمیر کیمین
سن سیز گؤزلریم اولوب
قوروموش کویر کیمین

گؤیدَن یاغان یاغیش دیر

پاییزین آردی قیش دیر

قیزلارا گؤز ائیلمه

آی قوجا بو پیس ایش دیر!

گؤردوم کی گئدیر او دلبر ِ هرجائی !

گؤز قویدوم اونا یاواش دئدیم :«می آئی »؟!

بیر دارکوچه دَه دؤندو منی هی سؤیدو

آتدی مَنه کور پیشیک کیمین دمپائی !!

ال بوش دور،اوزوموز قارادیر پوفیوزلار

پول یوخدو،گوتوموز پارادیر پویوزلار

جنّت کی سیزینکی دیر اقلا بویورون

گوردان سورا مقصد هارادیر پوفیوزلار ؟!

ییقیشد یریب دارا پول !
چکد ین بیزی دارا پول !
وارلی یئییب  پارتلاییر!
یوخسول دا یوخ قارا پول!

عجله ائیلمه ای جان تلسمَه !
اولار جنّت بیزیم ایران تلسمَه!

حقوقون کی اولوب میزان امَکداش !
سبیلینده اولار میزان تلسمه !

ژنوده سؤیله دی«اشتون»«ظریفه»:

«گلر هی آشاغی تومّان تلسمه» !

گئدر بو اؤلکه دن پول قووزاماغی

قاچاراوغرو بیزیم دامدان تلسمه  !

قوروموش غنچه لر بیر بیر آچارلار
اولار گوم گوی گولوم هر یان تلسمه !

دئمه سَن آی کیشی «سؤز اؤز سؤزوم دور»
وئرَر آرواد سنه فرمان تلسمه !

قیزی آلما آنایا باخ سورا تاخ !
تورا دؤشمه سن آی اوغلان تلسمه !

اگر کی آرواد آلدین یونگول اولما
دئمه هی آروادا «جان جان » تلسمه !

حقوقونله گئدرسن انگلیسه
«نیوکاسل»اولار«تهران » تلسمه !

بو تحریم لر اثر ائتمز،عزیزیم
قودوق صادر اولار آسان تلسمه !

سنی بانک باشقانی دایم سالاملار
سنه ناز ایلمَز دربان تلسمه !!

مملکت  ویرانه دیر،آباد اولسون یاخچی دیر

چونکی آباد اولدو لاپ  آزاد اولسون یاخچی دیر

بیر کیشی مچیددَه اوستوردو،دوروب خالغا دئدی:"

آغلاماق بس دیر،اؤرَکلر شاد اولسون یاخچی دیر"

چونکی گئتدین جبهه یَه ،سنگر دَه بش بشکه شراب

ویسکی و قیرخ بش گؤزل آرواد اولسون یاخچی دیر

بیر اوشاغدان فایده اولماز عزیزیم سعی ائله

هر کیشی دَه اون دَنَه اوولاد اولسون یاخچی دیر

قاشلاری نازک،دوداغی قیرمیزی،ساچلار اوزون

"مَش عبادین"آروادی "فرشاد"اولسون یاخچی دیر

بیر آدی باتمیش آدام شیخَه دئییردی کوچه دَه:"

منبرین اؤستؤندَه بیزدَن یاد اولسون یاخچی دیر"

ملّتی ارشاد ائدیر آمما اوزو یولدان چیخیب 

وئر تذکّر شیخ اگر ارشاد اولسون یاخچی دیر

اولمالی بیر شی دئییل آمما مشاور سؤیلَه دی:"

ائودَه آرواد:لیلی اَر فرهاد اولسون یاخچی دیر"

"مَش سلیمان" بِش دَنَه آرواد آلیب آمما گئنَه

بیر گئجه گیزلین گئدیب داماد اولسون یاخچی دیر

نومره لَر عالی ولی یوخدور آداملیغدان خبر

مهد و کانون ادب بنیاد اولسون یاخچی دیر

هرکسَه هر گوشَه دَه  میز و ریاست وئرسَه لَر

اوندا بیر آز عرضه،استعداد اولسون یاخچی دیر

پیس دئییل اشعاری آمما لاپ"کل اوغلان" طنز دَه

"صابر" و "مُعجز "کیمین استاد اولسون یاخچی دیر

منیم  قولاغیما  فریاد «قورد» و «قوش» آمد!
که موسم طرَب و عیش  و ناز و نوش آمد

قودوقلارین سسی چاتدی گویَه :گلین چمنه
درخت سبزشد و مرغ درخروش آمد !

یاپیشدی حاج خانیما بوش اتاغدا حاج آقا
که غنچه غرق عرق گشت  و گل به جوش آمد !

گلین شراب ایچین مسجده گئدَن کیشی لر !
که این سخن سحر از هاتفم به گوش آمد !

منی  گؤرنده قویوب قاچدی قارشیدان زاهد !
به حکم آن که چو شد اهرمن،سروش آمد !

تمام اوغرولارین آدینی بیلن قاضی
چه گوش کرد که با ده زبان خموش آمد !

گلـنـده میکده یَه  ایککی  اؤزلو  قونشو دئدیم

 سر پیاله بپوشان  که خرقه پوش آمد !

مقامی ترک ائله دی وئردی« حافظ »استعفا !
مگر ز مستی زهد و ریا به هوش آمد!!!

یاشاماق بیر یول دور

چالیشاق خوش کئچسین

یاشاماق بیر یول دور